യോര്‍ക്ക്ഷെയര്‍ ക്നാനായ കണ്‍വെന്‍ഷന്‍ രജിസ്ട്രേഷന്‍ പൂര്‍ത്തിയായി.

posted Mar 1, 2010, 11:27 PM by Anil Mattathikunnel
ലീഡ്സ് : യു കെ കെ സി എ യുടെ കീഴിലുള്ള  യോര്‍ക്ക്ഷെയര്‍  ക്നാനായ കാത്തലിക്ക് അസോസിയേഷന്റെ  പ്രഥമ കണ്‍വന്‍ഷനുള്ള രജിസ്ട്രേഷന്‍  പൂര്‍ത്തിയായി. ഏപ്രില്‍ 16,17,18 തീയതികളിലാണ് പ്രഥമ കണ്‍വന്‍ഷന്‍  നടക്കുക.യോര്‍ക്ക്ഷെയര്‍ ഡെയില്‍സിലെ സ്വാര്‍തിഗില്‍ ഫാം ഹൌസില്‍വച്ച് ഏപ്രില്‍ 16-ന് വൈകുന്നേരം നാലിന് പ്രസിഡന്റ് അലക്സ് പള്ളിയമ്പില്‍ പതാക ഉയര്‍ത്തുന്നതോടെ കണ്‍വന്‍ഷന് തുടക്കം കുറിക്കും. തുടര്‍ന്നുള്ള മൂന്ന് ദിവസങ്ങളില്‍ പ്രബന്ധാവതരണം, കുടുംബ ഉല്ലാസയാത്ര, യു.കെ.കെ.സി.എ. ഭാരവാഹകള്‍ക്ക് സ്വീകരണം, കലാപരിപാടികള്‍, സാന്‍മറ്റ് ഡിന്നര്‍ എന്നിവയാണ് പ്രധാന പരിപാടികള്‍.


ഉദ്ദേശിച്ചതിലും കൂടുതല്‍ ആളുകള്‍ രജിസ്ട്രേഷന്‍ ചെയ്തതിനാല്‍ ഇനി രജിസ്ട്രേഷന്‍ സ്വീകരിക്കുന്നതല്ലെന്ന് മുഖ്യ സംഘടകനായ ജോസ് പരപ്പനാട്ട്, അലക്സ് പള്ളിയമ്പല്‍ എന്നിവര്‍ അറിയിച്ചു.

സഖറിയാ പുത്തെന്‍കളം

Comments