Knanaya News‎ > ‎America‎ > ‎

ചിക്കാഗോ സെന്റ് മേരീസില്‍ വി. യുദാശ്ളീഹായുടെ തിരുനാള്‍ ആഘോഷിച്ചു

posted Oct 26, 2012, 9:52 PM by knanaya news
ചിക്കാഗോ: ചിക്കാഗോ സെന്റ് മേരീസ് ക്നാനായ കത്തോലിക്കാ ദേവാലയത്തില്‍, അത്ഭുതപ്രവര്‍ത്തകനായ വി. യുദാശ്ളീഹായുടെ തിരുനാള്‍ ഭക്തിപൂര്‍വ്വം കൊണ്ടാടി. പത്തുദിവസം നീണ്ട പ്രാര്‍ത്ഥനകള്‍ക്കും, നൊവേനയ്ക്കുമൊടുവില്‍, ഒക്ടോബര്‍ 25-ാം തീയതി വ്യാഴാഴ്ച വൈകുന്നേരമാണ് വിശുദ്ധന്റെ തിരുനാള്‍ ഇടവകയുടെ ചെറിയ തിരുനാളായി ആഘോഷിച്ചത്. തിരുനാള്‍ കര്‍മ്മങ്ങള്‍ക്ക് ഇടവക വികാരി ഫാ. എബ്രാഹം മുത്തോലത്ത് മുഖ്യകാര്‍മ്മികത്വം വഹിച്ചു. സേവ്യര്‍ നടൂപറമ്പിലും കുടുംബവുമായിരുന്ന തിരുനാള്‍ പ്രസുദേന്തി. അനില്‍ മറ്റത്തിക്കുന്നേല്‍ ചര്‍ച്ച് ക്വയറിന് നേതൃത്വം നല്‍കി. മത്തച്ചന്‍ ചെമ്മാച്ചേല്‍, ജോണിക്കുട്ടി പിള്ളവീട്ടില്‍, ബിജു കണ്ണച്ചാംപറമ്പില്‍, സുനില്‍ വെട്ടത്തുകണ്ടത്തില്‍ എന്നിവര്‍ അള്‍ത്താര ശുശ്രൂഷകരായിരുന്നു. തിരുനാള്‍ ചടങ്ങുകള്‍ക്ക് പരീഷ് എക്സിക്യൂട്ടീവും വിസിറ്റേഷന്‍ കോണ്‍വെന്റിലെ മദര്‍ സുപ്പീരിയര്‍ സി. സേവ്യറും നേതൃത്വം നല്‍കി. തിരുനാളിനോടനുബന്ധിച്ച് സ്നേഹവിരുന്നും ഒരുക്കിയിരുന്നു.


Comments