Knanaya News‎ > ‎India‎ > ‎

ചൈതന്യ കാര്‍ഷികമേള; ലോഗോ പ്രകാശനം

posted Oct 27, 2012, 7:11 PM by Unknown user
കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വ്വീസ്‌ സൊസൈറ്റിയുടെ നേതൃത്വത്തില്‍ സംസ്ഥാന സര്‍ക്കാരിന്റെയും കൃഷി വകുപ്പിന്റെയും പങ്കാളിത്തത്തോടെ സംഘടിപ്പിക്കുന്ന 15ാമത്‌ ചൈതന്യ കാര്‍ഷികമേളയുടെയും സ്വാശ്രയസംഘ മഹോത്സവത്തിന്റേയും ലോഗോ പ്രകാശനം ഞായറാഴ്‌ച (28/10/12) നടത്തപ്പെടും. ഉച്ചകഴിഞ്ഞ്‌ 1.30 ന്‌ തെളളകം ചൈതന്യ പാസ്റ്ററല്‍ സെന്ററില്‍ നടത്തപ്പെടുന്ന പൊതുസമ്മേളനത്തില്‍ മുഖ്യമന്ത്രി ഉമ്മന്‍ ചാണ്ടി ലോഗോയുടെ പ്രകാശനം നിര്‍വ്വഹിക്കും. ചടങ്ങില്‍ കോട്ടയം അതിരൂപതാ മെത്രാപ്പോലീത്ത മാര്‍ മാത്യു മൂലക്കാട്ട്‌ അദ്ധ്യക്ഷത വഹിക്കും. കൃഷി, പരിസ്ഥിതി, വിനോദം, വിജ്ഞാനം, മൃഗസംരക്ഷണം, ആരോഗ്യം തുടങ്ങിയ വിവിധ മേഖലകളെ കോര്‍ത്തിണക്കിക്കൊണ്ടുളള വിപുലമായ ക്രമീകരണങ്ങളോടെ നവംബര്‍ 29 മുതല്‍ ഡിസംബര്‍ 2 വരെയാണ്‌ ചൈതന്യ കാര്‍ഷികമേളയും സ്വാശ്രയസംഘമഹോത്സവവും നടത്തപ്പെടുന്നത്‌.

Comments