Knanaya News‎ > ‎India‎ > ‎

ചൈതന്യ കാര്‍ഷികമേളയില്‍ പൊതുവിള പ്രദര്‍ശന മത്സരം

posted Oct 30, 2012, 5:12 AM by knanaya news
കോട്ടയം : കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ സംസ്ഥാന സര്‍ക്കാരിന്റെയും കൃഷിവകുപ്പിന്റെയും പങ്കാളിത്തത്തോടെ നവംബര്‍ 29, 30 ഡിസംബര്‍ 1, 2  തീയതികളില്‍ തെള്ളകം ചൈതന്യയില്‍ സംഘടിപ്പിക്കുന്ന 15-ാമത് ചൈതന്യ കാര്‍ഷിക മേളയോടും സ്വാശ്രയസംഘ മഹോത്സവത്തോടുമനുബന്ധിച്ച് കര്‍ഷകര്‍ക്കായി വ്യക്തിഗത കാര്‍ഷിക വിളപ്രദര്‍ശന മത്സരം സംഘടിപ്പിക്കുന്നു. മരച്ചീനി, ചേന, വിളവെത്തിയ തേങ്ങാക്കുല, കാച്ചില്‍, വിളവെത്തിയ ഏത്തക്കുല, പാളയന്‍കോടന്‍ വാഴക്കുല, മത്തങ്ങ എന്നീ കാര്‍ഷിക ഇനങ്ങളിലാണ് മത്സരം സംഘടിപ്പിക്കുന്നത്. ഓരോ ഇനത്തിനും 1-ാം സമ്മാനമായി 1500 രൂപയും 2-ാം സമ്മാനമായി 1000 രൂപയും നല്‍കുന്നു. മത്സരത്തില്‍ പങ്കെടുക്കുവാന്‍ താത്പര്യമുള്ളവര്‍ നവംബര്‍ 28-ാം തീയതി വിളകള്‍ ചൈതന്യയില്‍ എത്തിക്കേണ്ടതാണ്. മത്സരത്തില്‍ പങ്കെടുപ്പിക്കുന്ന വിളകള്‍ മേളയുടെ എല്ലാ ദിനങ്ങളിലും പ്രദര്‍ശിപ്പിക്കണം. കൂടുതല്‍ വിവരങ്ങള്‍ക്ക് 9947081840 എന്ന നമ്പരില്‍ ബന്ധപ്പെടാവുന്നതാണ്. 
Comments