Knanaya News‎ > ‎India‎ > ‎

നെടുംചിറ അവാര്‍ഡ്‌ റവ. ഡോ. ലൂക്ക്‌ പൂതൃക്കയിലിന്‌

posted Oct 29, 2012, 8:30 PM by Unknown user
കോട്ടയം: പ്രശസ്‌ത കവിയും, നാടകകൃത്തുമായിരുന്ന ഫാ. ജോസഫ്‌ നെടുംചിറയുടെ സ്‌മരണാര്‍ഥം നല്‍കി വരുന്ന സാഹിത്യ അവാര്‍ഡിന്‌ ഇക്കൊല്ലം റവ. ഡോ. ലൂക്ക്‌ പൂതൃക്കയില്‍ അര്‍ഹനായി. ദൈവശാസ്‌ത്ര പണ്ഡിതനായ റവ. ഡോ. ലൂക്ക്‌ പൂതൃക്തയില്‍ നിരവധി ഗ്രന്ഥങ്ങള്‍ രചിക്കുകയും, അനുകാലികങ്ങളില്‍ സമകാലിക വിഷയങ്ങളില്‍ ശ്രദ്ധേയമായ ലേഖനങ്ങള്‍ എഴുതുകയും ചെയ്യുന്നു. ഇപ്പോള്‍ കൈപ്പുഴ ഫൊറോന വികാരിയാണ്‌.
ഡിസംബര്‍ 16 ന്‌ ചൈതന്യ പാസ്റ്ററല്‍ സെന്ററില്‍ നടക്കുന്ന ഫാ. ജോസഫ്‌ നെടുംചിറ അനുസ്‌മരണ സമ്മേളനത്തില്‍ അവാര്‍ഡ്‌ സമ്മാനിക്കും. പതിനായിരം രൂപയും പ്രശസ്‌തിപത്രവും അടങ്ങുന്നതാണ്‌ അവാര്‍ഡ്‌.
Comments